{ LIFESTYLE }
14 Feb 2020
【黃金有罪】姚子羚撞車一幕離奇飄起 重現「夜市人生」經典畫面

出名「膠劇工廠」嘅tvb,唔少劇集情節浮誇,特技效果差,導致唔少勁膠情節流芳百世。最近《黃金有罪》進入結局週,不少觀眾都大讚張兆輝多場喊戲超好睇,睇到入心入肺,但日前就俾姚子羚撞車一幕搶鏡!但日前播出的一集講到姚子羚飾演嘅水敏晶,係編劇帶領下衝出馬路被車撞,再嚟個反地心引力「半空滑翔」飄走,離奇特效拍得住「夜市人生」嘅經典畫面,再次膠出國際!



昨晚《黃金有罪》嘅姚子羚,撞車一幕出鏡後,即時惹起網民討論。今次姚子羚撞車畫面完全拍得住台灣劇集《夜市人生》,當年麥可被車撞飛後,人物反物理學地飛到九丈遠,同姚子羚「應車即飛」絕對有異曲同工之妙,唔講以為剪片組驚佢跌唔死,先落重力度飛到咁遠!




最細心係角色飛到一半亦不忘嚟個主角淒美大特寫,鏡頭中嘅子羚頭髮依然整齊貼服,差啲比佢呃到以為賣緊洗頭水廣告!到落地仲非常有心加翻兩滴血漿,對於咁迂迴曲折嘅一幕,唔少人都差啲笑到發羊吊,當做喜劇睇成個觀感feel晒呀!

News
Feature
Blog
Load more
 
NOTIFICATION